[ad_1]





"தமிழக அரசை இனி 'மதுவரசு' என்று மக்கள் அனைவரும் சேர்ந்து அழைப்போம். அப்போதாவது இந்த அரசுக்கு மக்கள் மீது கரிசனம் வருகிறதா என்று பார்ப்போம்!" என்று பால் முகவர்கள் தொழிலாளர்கள் நலச் சங்க மாநிலத் தலைவர் சு.ஆ.பொன்னுசாமி அதிரடியாக கருத்து தெரிவித்துள்ளார்.





 இதுசம்மந்தமாக,அவர் தெரிவித்ததாவது,
 " `தமிழகத்தில் பூரண மதுவிலக்கு கொண்டு வந்து டாஸ்மாக் கடைகள் இருக்கும் இடத்தில் பால் கடைகள் திறக்க வேண்டும்' என கடந்த தமிழக சட்டமன்ற தேர்தலில் எங்களது தமிழ்நாடு பால் முகவர்கள் தொழிலாளர்கள் நலச்சங்கம் சார்பில் கோரிக்கை முன் வைக்கப்பட்டது. அதற்கு அரசு தரப்பில் எந்த உத்தரவாதமும் தரப்படவில்லை. ஆனால், தற்போது சர்க்கரை விலையை இரண்டு மடங்கு உயர்த்தியதோடு மட்டும் நிற்காமல் இனி உளுத்தம் பருப்பு வழங்கப்படமாட்டாது என்று அறிவித்திருப்பதை வைத்து அரசு போகிற போக்கை பார்த்தால், தமிழகம் முழுக்க உள்ள ரேஷன் கடைகளை எல்லாம் இழுத்து மூடிவிட்டு, அந்த ரேஷன் கடைகள் இருந்த இடங்களில் எல்லாம் டாஸ்மாக் கடைகளை திறக்கும் போலிருக்கு தமிழக அரசு.


ஏழை, எளிய, நடுத்தர மக்கள் நலன் மீது துளியும் அக்கறையின்றி, மது விற்பனை விற்பனை மூலம் அரசை நடத்தி வரும் அ.தி.மு.க தலைமையிலான நிர்வாகத்தை 'தமிழக அரசு' என்று அழைப்பதை விட, இனிமேல் தமிழகம் முழுக்க உள்ள மக்கள் அனைவரும் சேர்ந்து 'மதுவரசு' என்று அழைப்பதே சாலப் பொருத்தமாக இருக்கும். மக்களுக்கு அடிப்படை தேவைகளை பூர்த்தி செய்யாத அரசு, தமிழகம் முழுக்க உள்ள பல கோடி அன்றாடங்காய்ச்சிகளுக்கு வரப்பிரசாதமாக இருந்த ரேஷன் கடைகளுக்கு மூடுவிழா நடத்திவிட்டு, டாஸ்மாக்குகளை வீதிகள்தோறும் திறந்து, குடிமகன்களை மேலும் குடிமகன்களாக ஆக்க பார்க்கிறது இந்த அரசு. இந்த அரசை நடத்த அப்பாவி குடிமகன்கள் தரும் டாஸ்மாக் லாப காசை கொண்டு திட்டங்களை செயல்படுத்தி, அதற்கு காரணமான அப்பாவி ஆண்களை அல்ப ஆயுசில் மேலோகம் அனுப்ப நினைக்கும் இந்த அரசை 'மதுவரசு' என்றே இனி வாயார அழைப்போம்!" என்றார் ஏக லந்தாய்!
 
உங்கள் கருத்தைப் பதிவு செய்யுங்கள்







!function(f,b,e,v,n,t,s)if(f.fbq)return;n=f.fbq=function()n.callMethod?
n.callMethod.apply(n,arguments):n.queue.push(arguments);if(!f._fbq)f._fbq=n;
n.push=n;n.loaded=!0;n.version='2.0';n.queue=[];t=b.createElement(e);t.async=!0;
t.src=v;s=b.getElementsByTagName(e)[0];s.parentNode.insertBefore(t,s)(window,
document,'script','https://connect.facebook.net/en_US/fbevents.js');

fbq('init', '724925637619848');
fbq('track', "PageView");