[ad_1]





கோவையில், பா.ஜ.க-வின் உறுப்பினர் சேர்க்கை படிவங்கள், பேப்பர் தட்டுகளாக விற்பனை செய்யப்படும் சம்பவம் சர்ச்சையை எழுப்பியுள்ளது.




கோவை காந்திபுரத்தில், பேப்பர் தட்டுகளை மொத்தமாக விற்பனை செய்யும் கடைகளில், பா.ஜ.க-வின் உறுப்பினர் சேர்க்கை படிவங்கள், பேப்பர் தட்டுகளாக விற்பனை செய்யப்பட்டுள்ளது. கோவையைச் சேர்ந்த ஒருவர் அண்மையில், ஒரு நிகழ்ச்சிக்காக, காந்திபுரத்தில் பேப்பர் தட்டுகளை வாங்கியுள்ளார். இதையடுத்து, அந்தத் தட்டுகளில் ஏதோ எழுத்துக்கள் இருந்தது தெரியவந்துள்ளது. அதைப் படித்து பார்த்தபோது, அது பா.ஜ.க-வின் உறுப்பினர் சேர்க்கை படிவம் எனத் தெரியவந்தது.

குறிப்பாக, அதில் பெயர், தந்தைப் பெயர், முகவரி, வாக்காளர் அடையாள அட்டை எண் , ஆதார் எண் உள்ளிட்ட விவரங்கள் உள்ளன. பா.ஜ.க-வின் 2015-2020-ம் ஆண்டுக்கான உறுப்பினர் சேர்க்கை படிவங்களில் பேப்பர் தட்டு தயாரிக்கப்பட்டுள்ளன. பா.ஜ.க-வில் உறுப்பினராக சேர மிஸ்டு கால் கொடுக்கும் திட்டம், ஏற்கெனவே பல்வேறு விவாதங்களைக் கிளப்பியது.




இந்தப் படிவங்கள், 2014-ம் ஆண்டு, மிஸ்டு கால் திட்டம் அறிமுகப்படுத்தியபோது, அச்சிட்டப்பட்டவை எனக் கூறப்பட்டுள்ளது. இந்நிலையில், உறுப்பினர் சேர்க்கை படிவத்தில், பேப்பர் தட்டுகள் தயாரிக்கப்பட்டுள்ள சம்பவம், பா.ஜ.க தலைவர்களை அதிர்ச்சிக்குள்ளாக்கியுள்ளது. இதற்கு, பா.ஜ.க நிர்வாகிகள் கண்டனங்களை தெரிவித்துள்ளனர்.
உங்கள் கருத்தைப் பதிவு செய்யுங்கள்