[ad_1]




கேரள முதல்வர் பினராயி விஜயனின் அரசுக்கு 'கம்யூனிஸ்ட் சக்சஸ்' என வாஷிங்டன் போஸ்ட் பத்திரிகை முன்பக்கத்தில் செய்தி வெளியிட்டு பாராட்டியுள்ளது.




பெரும்பாலான நாடுகளில் கம்யூனிசம் தோல்வியைத் தழுவி வரும் நிலையில், கேரளாவில் பினராயி விஜயன் தலைமையிலான மார்க்சிஸ்ட் கட்சி அரசு சிறப்பாக ஆட்சி புரிந்து வருவதாக வாஷிங்டன் போஸ்ட வெளியிட்டுள்ள கட்டுரையில் தெரிவிக்கப்பட்டுள்ளது. பல்வேறு முரண்பாடுகள் இருந்தாலும், மக்கள் நலனை முன்னிறுத்தி பினராயி அரசு செயல்படுகிறது என்றும் கம்யூனிசம் இன்னும் உயிர்வாழும் பிரதேசமாக கேரளா உள்ளதாகவும் புகழ்பெற்ற அந்த பத்திரிகை கட்டுரையில் புகழாரம் சூட்டியுள்ளது.

வாஷிங்டன் போஸ்ட் முன்பக்கத்தில், இந்த செய்தியை வெளியிட்டிருப்பதால், கேரள மார்க்சிஸ்ட் கட்சித் தொண்டர்கள்  உற்சாகமடைந்துள்ளனர். அந்த செய்தியை அதிகமாக பகிர்ந்து வருகின்றனர். அச்சுதானந்தன் காலத்தில் கூட மார்க்சிஸ்ட் கட்சி இத்தகைய உன்னத நிலையை கேரளாவில் எட்டியதில்லை எனவும் அவர்கள் கூறுகின்றனர். 


வாஷிங்டன் போஸ்ட் மட்டுமல்ல, அண்மையில் குடியரசுத் தலைவர் ராம்நாத் கோவிந்த் கேரளத்துக்கு வந்திருந்தார். அப்போது, சுகாதாரத்துறை, மருத்துவம், கல்வி, பெண்கள் நலன்,  தகவல் தொழில்நுட்பத்துறைகளில் கேரளா முன்மாதிரி மாநிலமாக திகழ்வதாக குறிப்பிட்டார். கேரள கோயில்களில் அர்ச்சகர்களாக பல சாதியினரும் நியமிக்கப்பட்டு வருகின்றனர். இதற்கும் பினராயி அரசுதான் காரணம் என்ற வகையில், அவருக்கு பாராட்டு குவிந்தது. 
உங்கள் கருத்தைப் பதிவு செய்யுங்கள்